我的同事Rosa(1)

今日有同事生日, 所以全team人一齊去食birthday lunch. 我地去酒樓飲茶. 通常這些birthday lunch, 唔理你同位主角熟唔熟(甚至你可能好憎佢), 你都會出席. 如果唔係, 就會比人話你唔合群或者"姑寒"(因為係大家夾錢請主角)之類.

全team人一齊食飯, 好多話題或者是非都唔講得. 但如果有某位同事因放假或者其他原因冇出席, 而佢係公司又比較惹是非, 咁佢通常都會成為這餐飯o既話題.

好似今日咁, Rosa就係我地o既話題. 佢今日放假. Rosa係新同事, 黎左一個月左右.
佢衣著比較性感, 所以好多時都好易惹是非. 我地秘書小姐Margaret第一個帶起這個話題 : 「你地尋日有冇見o到Rosa著條裙幾短. 我之前已經暗示過比佢知, 叫佢唔好著得咁暴露, 但佢唔理. 所以我尋日終於忍唔住同佢講 "HR有指引, 員工o既衣著唔可以太暴露". 佢就扮到好無知咁問我點先算暴露. 我話 "你坐低時, 人地差唔多見到你條underwear囉！" 」我地聽完忍唔住笑. 跟住其他同事就繼續一人一句講佢地覺得Rosa邊一日o既衣著最出位.

當大家討論得興高采烈時, 其中一位同事Toby問 :「今日你地見唔見到Rosa不停電個IT人呀？」
Margaret答 :「唉, Rosa幾乎係男人都電o架啦. 講起佢就激氣. 今朝樓下十樓Group Finance個秘書Linda問我 "你地個部門d女同事著衫都幾出位o架喎. 落黎十樓問我地同事野, 問到烏低曬身, 走曬光都唔理, 任人睇. 點解你地部門冇人叫佢著得檢點d？" 攪到我幾冇面. 」

To be continued...